lahloba
مرحبا بك عضونا او زائرنا الكريم ارجو ان تقضي اوقاتا رائعه معنا واذا كنت عضو فتفضل بالدخول واذا كنت زائر فتفضل بالتسجيل واتمني ان ينال اعجابكم

lahloba



 
الرئيسيةبوابة اللهلوباتالتسجيلدخولصور اللهلوبات

  مرحبا بك زائرنا او عضونا الكريم ارجو

          ان تقضي اوقاتا

               رائعه

بحـث
 
 

نتائج البحث
 
Rechercher بحث متقدم
المواضيع الأخيرة
» فساتين فرح
السبت مايو 26, 2012 7:01 am من طرف huda

» جبتلكم نكت تضحك مره
الإثنين يناير 23, 2012 3:11 pm من طرف لميس11

» لاحلي بنات
الجمعة يناير 20, 2012 10:24 am من طرف MeRoO

» شخصية البنت من لون لبسها مره حلو
الجمعة يناير 20, 2012 9:46 am من طرف MeRoO

» بناطيل سكينى
الجمعة يناير 20, 2012 9:38 am من طرف MeRoO

» السمرة الشمس تزيد فرص الاصابة بسرطان الجلد
الجمعة أكتوبر 21, 2011 3:10 am من طرف نوري الاموري

» الاحد يدخل بزيد مساهماتي
الجمعة أكتوبر 21, 2011 3:05 am من طرف نوري الاموري

» تحميل فيلم حوريه البحر (اريل)الجزء التاني
الجمعة أكتوبر 21, 2011 2:56 am من طرف نوري الاموري

» ازيكم يا لهلوبات .......تعالي وفضفضي ...وشوفي الاول الموضوع ده
الجمعة أكتوبر 21, 2011 2:55 am من طرف نوري الاموري

المنتدي
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
لهلوبه

http://lahloba.roo7.biz/

التبادل الاعلاني لموقع لهلوبه
احداث منتدى مجاني
brothersoft.com
موقع لهلوبه
 http://lahloba.roo7.biz/
أفضل 10 أعضاء في هذا المنتدى
الحالمه بالجنه
 
nonna
 
BANOTA GAMDA
 
خالت يوسف
 
ريرى
 
ماريهان
 
فريسكا هانم
 
سموره
 
رفيقة الزهور
 
مادى
 

شاطر | 
 

 بحبك .. طيب وانا اعمل ايه يعني .. قوليلي بحبك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: بحبك .. طيب وانا اعمل ايه يعني .. قوليلي بحبك   الأربعاء أغسطس 19, 2009 7:57 am

(( فى الجامعة ))


هو - بحبك

هي = طيب

هو -باقولك بحبك

هي = أوكى عرفت خلاص

هو - يابنى ادمه انا بحبك بجد

هي = طب وانا اعمل ايه.؟

هو -حبينى زى مابحبك

هي = انا باعتبرك اخ وصديق ومابافكرش فيك غير كده

هو - انتى متحجرة الاحساس والمشاعر..تلاقى فيه حد تانى فى حياتك

هي = وهو لو انا ما حبيتكش يبقى بحب غيرك؟؟ تفكير غريب جدا

هو - ارجوكى ادينى الفرصة..افتحى قلبك لحبى وجربى,
ماتظلمنيش..لو ماحبيتينيش انا هاموت نفسي

هي =لا وعلى ايه..خلاص ياسيدى ..اعتبرنا مرتبطين مؤقتا

هو - هاعيشك ملكة متوجة على عرش حياتى كلها..أنا ليكى وملك ايديكى..احلمى وأحلامك أوامر

--------------------------------------------------------------------------

(( فى البيت ))



هي = معقول يكون فيه حد ممكن يحبنى الحب دا كله؟؟
طب أنا رافضاه ليه؟
مش ممكن تكون سعادتى معاه؟
انسان رائع..رقيق..حساس وبيحبنى
أنا هاحبه زى ماهو بيحبنى..لأ..أكتر ماهو حبنى

--------------------------------------------------------------------------

(( على التليفون ))



هو -عازمك النهارده على الغدا والسينما

هي = افندم؟؟

هو - ايه..كلامى غامض؟

هي = انا اسفه..ماقدرش اخرج معاك مادام علاقتنا مش رسمية

هو - اتنين بيحبوا بعض ومن حقهم يتشاركوا اللحظات الحلوه مع بعض..دى خروجة بريئه.. عاوز نكون على راحتنا مع بعض

هي = مش هاينفع

هو - يبقى انتى مش بتحبينى

هي = طب قولى انت..لو انا اختك..هاترضى انى اخرج مع واحد تانى غريب؟

هو -( بغضب) لأ طبعا..دانا كنت قطمت رقبتك

هي = امال عايز تخرج معايا ليه؟

هو -آآه.. دى حاجه ودى حاجه تانيه

هي = هو انا مش بنت ناس برضه وليا أخ؟؟

هو - أنا مش هاثق فى أى حد تانى..لكن انا عارف نفسي وانتى عارفانى

هي = المبدأ واحد.. أخويا برضه ما يعرفكش

هو - انتى بتثبتيلى دلوقتى انك مش بتحبينى..متشكر قوى على الجرح اللى سبتيه جوايا

هي = وهو يا كده يا إما مش بحبك؟

هو - انتى مش واثقه فيا..وانا بحاول اعمل المستحيل عشان أسعدك..ليه ياربى عذبتنى بالحب؟ليه خلقتلى قلب وعلقته بانسانه قاسيه مش مقدره حبى؟

هي = خلاص خلاص..أنا اسفه..بس اوعدنى انك مش هاتكررها تانى

هو - خليها لوقتها..هاستناكى قدام السينما الساعه 6 بالليل

--------------------------------------------------------------------------

(( فى البيت ))



هي = معلش..تضحية صغيره مش هاتضر حد..ماكانش لازم اكسر قلبه واقابل حبه بقسوه
هو اللى عملته ده صح ولا غلط؟
..بلاش أفكر كتير..هو بيعمل كده عشان بيحبنى وعايز يسعدنى..هدية بسيطة منه مش لازم ارفضها
ماحدش بقى بيحب الحب ده كله فى زماننا ده

--------------------------------------------------------------------------

(( فى السينما ))


هي = انت مش قلتلى انه فيلم خيال علمى؟؟
دا طلع فيلم رومانسي

هو - حبيت اتفرج عليه انا وانتى..قصته رائعه..وكأنها اتعملتلنا

هي = ومالقيتش مكان أحسن من اخر صف فى القاعه؟

هو - أعمل ايه بس..جينا متاخرين والصفوف قدام كلها محجوزة

هي = الصاله شبه فاضيه..كلامك مش مريحنى

هو - ارجوكى بقى..احنا هانقلبها خناقه ولا ايه..عيشي معايا اللحظه

هي = ايه ده؟..ايه السفاله دى..ابعد ايدك عنى..انت بتعمل ايه؟

هو - انا بحبك قوى..صعب أتحكم فى نفسي وكل جمالك ده
قدامى..نفسي أشوف شعرك..اقلعى الايشارب

هي = انت اتجننت؟
والله لو ما لميت نفسك هافضحك فى السينما كلها

هو - يبقى هاتفضحى نفسك اولا واخيرا..الناس شايفينا داخلين مع بعض وقاعدين مع بعض..انتى فاكره انهم مش فاهمين احنا دفعنا بقشيش زياده عند الشباك ليه؟؟

هي = انت دفعت لوحدك وانا رحت اجيب الفيشار, واتفاجئت لما لقيت رقم التذاكر بتاع القاعه دى والصف الأخرانى ده

هو - انا بحبك وباموت فيكى.. عايز اترجم الحب ده لواقع..أنا ملكك وانتى ملكى,روح واحده فى جسمين..خلينا نتعامل كجسم واحد

هي = اللى انت بتعمله ده حرام

هو - انا بحبك..وحبى ليكى هايفضل موجود دلوقتى وبعد ما نتجوز..هاتفرق ايه أكتر من ورقة مأذون؟؟
انتى مش واثقه فيا ولا انتى مش بتحبينى؟

هي = حبك عاوزنى أكسر كل اللى اتربيت عليه

هو - الزمن دلوقتى غير الزمن..وانا وانتى شباب مثقف, وانا مؤمن باحتياجاتك زى مانتى عارفه ان ليا احتياجات
اكتر حاجه عجبتنى فيكى أفكارك الحرة المنطلقة وثقافتك العالية وشخصيتك المستقلة..لكن اللى شايفه دلوقتى واحده شرقية بفكر متخلف بترمى كل أفكارها ورا ظهرها لحظة الاختبار الحقيقى..أنا اسف على كل لحظة افتكرتك فيها بتحبينى بجد..انا حظى كده..كل ما أعمل حاجه أحاول أثبت حبى ليكى بيها تفسريها تفسيرات بشعه وتطلعينى أنا الغلطان فى الاخر

هي = أنا عارفه انك بتحبنى..وانا كمان بحبك...لكن...انا..مش


هو -بحبك وبحب كل حاجه فيكى..انتى جميله قوى

هي = انا حاسه ان كل الناس بتبص علينا

هو - ماتخافيش ..طول مانتى معايا مالكيش دعوه بحد..دى حياتنا وهانحب بعض بطريقتنا

--------------------------------------------------------------------------

(( فى البيت ))



هي = تأنيب ضمير فظيع جوايا..انا ايه اللى عملته ده؟؟
عقلى كان فين لما وافقت؟؟..
يارب سامحنى أرجوك..ماقدرتش استحمل كل الضغط ده على اعصابى

--------------------------------------------------------------------------


(( فى الجامعة ))



هو - ها يا حبيبتى..تحبى نروح فين النهارده؟

هي = مش رايحه فى حته وكفايه بقى لحد كده؟؟

هو - ايه الكلام ده يا حياتى؟

هي = كفايه أرجوك..حاجات كتير قوى جوايا اتغيرت بسببك..بقيت مش أنا.. كلامك دايما هو اللى بيمشى حتى لو انا رافضاه

هو - كلامك ده اكبر دليل انك مش بتحبينى

هي = ارحمنى بقى من الكلمه دى..انت بتحطنى تحت ابتزاز عاطفى بشع وكل ما أحاول ارجع لنفسي تتهمنى انى مش بحبك .. انا عملت كل حاجه ممكنه عشان مش عايزه اخسرك..اتنازلت عن حاجات كتيره قوى..ضعفت قدام توسلاتك

هو - انتى اللى كنتى عايزه كده..كل مره ترفضى وتتمنعى, وبرضه فى الاخر توافقى..انا ماضربتكيش على ايدك وما اجبرتكيش على حاجه

هي = بعد كل الابتزاز العاطفى ده؟؟

هو - ماحدش يقدر يجبر حد على حاجه..كان عندك مطلق الحرية انك ترفضى

هي = مع كل الضغط ده..ماكنتش قادره افكر

هو - ماتحاوليش تلعبى معايا دور القديسة اللى الشيطان غواها..انتى تلاقيكى اصلا كده..كلكم كده وتستاهلوا اللى يجرالكم

هي = انت حيوان بتمشيه رغباته..

هو - انا عمرى ما ضحكت على نفسي ولا عليكى...بالعكس بقى..انا استحملتك كتير قوى..استحملت عندك وسخافتك ورفضك..وكل مره باقول بكره هاتعقل..دلوقتى أنا اللى باقولك مش عايزك..ولا عايز أشوف خلقتك تانى ولو بالصدفة
وماتحاوليش تحكى لأى حد على اللى كان بينا..لأن اللى هايتحرق بالنار فى الآخر هو انتى..هى دى سنة الحياه
باى ياى يا........ياللى عمرى ما حبيتك
الرجوع الى أعلى الصفحة اذهب الى الأسفل
tota1
لهلوبه جديده
لهلوبه جديده
avatar

عدد المساهمات : 52
تاريخ التسجيل : 20/08/2009

مُساهمةموضوع: رد: بحبك .. طيب وانا اعمل ايه يعني .. قوليلي بحبك   الثلاثاء يونيو 29, 2010 6:40 pm

والله بجد حرااااااااام اوووى بعد الى عملتوة عشانة وبعد لما حبته بجد.....طيب ممكن اعرف هما دلوقتى كلاهم كدة ولا ايه؟؟؟؟؟
الرجوع الى أعلى الصفحة اذهب الى الأسفل
سموره
مشرفه عامه للهلوبه
مشرفه عامه للهلوبه
avatar

عدد المساهمات : 153
تاريخ التسجيل : 27/05/2010
الموقع : منتديات لهلوبه

مُساهمةموضوع: رد: بحبك .. طيب وانا اعمل ايه يعني .. قوليلي بحبك   الجمعة يوليو 23, 2010 3:08 pm

لا ياtotoa1
مش كلهم كده في كتيييييير جداااا محترمين وكويسين
بس برده البنت المفروض تحافظ علي نفسها
يعني متخرجش مع ولد مافيش بينهم علاقه رسميه
والغلطه غلطه البنت هي المفروض ماكنتتش خرجت معاه ولا كانت وافقت علي اي حاجه هو عايزها وهي مش قبلالها
شكرا علي الموضوع الروعه
الرجوع الى أعلى الصفحة اذهب الى الأسفل
 
بحبك .. طيب وانا اعمل ايه يعني .. قوليلي بحبك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
lahloba :: العام :: النقاش الجاد والحوارات-
انتقل الى: